Fótbóltur

Heini Viðoy skal leiða finaluna um Løgmanssteypið

Tað verður fyrstu ferð, at 29-ára gamli altjóða dómarin hevur floytuna til steypafinaluna hjá monnum. Jørleif Djurhuus og Djóni Jacobsen, umboðandi Skála, vera hjálpardómarar og Dagfinn Forná fjórði dómari.

Heini Viðoy til ein av sínum Conference League-dystum (Mynd: Sam Eaden/FAW)

Heini Viðoy til ein av sínum Conference League-dystum (Mynd: Sam Eaden/FAW)

2026-09-01 12:39 Author image
Agnar Prestá
placeholder

Leygardagin klokkan 19 spæla KÍ og Víkingur aftur finalu um Løgmanssteypið á Tórsvølli.

Nú er dómaratoymið sett til steypafinaluna hjá monnum. Hetta skrivar bolt.fo um, og tað vísir FSF-appin/Comet eisini.

Heini Ziska Restorff Viðoy hevur seinastu árini verið altjóða dómari. Nú fær 29-ára gamli havnarmaðurin, sum dømir umboðandi FC Hoyvík, møguleikan at døma finaluna um Løgmanssteypið á fyrsta sinni.

Heini Viðoy hevur síðani 2024 fingið nakrar royndir uttanfyri landoddarnar. Seinast dømdi hann NSÍ - AB, har mest umrødda støðan var, at Petur Knudsen varð vístur av vøll fyri fyrst kjaftaslit og síðani film (tvey gul). 

[object Object]
Heini Ziska Restorff Viðoy verur dómari til ársins størsta einstaka dyst næst komandi vikuskifti (Mynd: Sverri Egholm)

Hjálpardómarar (linjuverjarar) vera Jørleif Djurhuus og Djóni Jacobsen, sum eru umboðandi Skála. 

Dagfinn Forná, sum hevur dømt fleiri finalur, stendur sum 4. dómari á Tórsvølli leygarkvøldið.

FM1 og Portalurin gera nógv burturúr steypafinaluna. Meira um hana seinni í vikuni.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder