Fótbóltur

Hesi átta vera í pottinum í morgin

Bayern og Chelsea spældu seg, sum tey seinastu liðini, víðari til fjórðingsfinalurnar í Champions League í gjárkvøldið.

Thomas Tuchel hevur ikki so nógv at vera ónøgdur um fyri tíðina. Hann hevur framvegis ikki tapt sum Chelsea-venjari, og ógvuliga fá mál eru farin inn (Mynd: EPA)

Thomas Tuchel hevur ikki so nógv at vera ónøgdur um fyri tíðina. Hann hevur framvegis ikki tapt sum Chelsea-venjari, og ógvuliga fá mál eru farin inn (Mynd: EPA)

2021-03-18 14:51 Author image
Agnar Prestá
placeholder

Bayern Munchen og Chelsea gjørdu í gjárkvøldið arbeiði í áttandapartsfinalunum liðugt við heimasigrum á ávíkavist Lazio og Atletico Madrid - 2-1 og 2-0. Champions League-vinnararnir vunnu sannførandi samanlagt á italska liðnum, og Thomas Tuchel og Chelsea vunnu á Diego Simeone og hansara monnum uttan at lata mál inn í 180 minuttir.

Tuchel hevur fingið eina frálíka byrjan í Chelsea, og tað er júst verjuparturin, ið týskarin serliga hevur fingið skil á. London-felagið er tað triðja úr Onglandi, sum hevur spælt seg víðari. Nú Atletico Madrid er úti, so er greitt, at bert eitt spanskt lið verður í pottinum, tá lutakastið til fjórðingsfinalurnar verður í Sveis í morgin.

Liðini í fjórðingsfinalunum í Champions League:
Dortmund
Porto

PSG
Liverpool  
Manchester City
Real Madrid
Chelsea
Bayern München

placeholder
placeholder