Hondbóltslandsliðið vitjaði í Hoyvíkar skúla

Í gjárkvøldið segði føroyska manslandsliðið sítt fyribils farvæl við Høllina á Hálsi. Hetta við stórsigri á Kosovo (32-21) í fyrsta dystinum í undankappingini til EM 2026.

Føroysku menninir undirhildu av álvara, sum dysturin leið, og fulsetta høllin fagnaði liðnum.

Eftir dystin vórðu autografar í hópatali skrivaðir, og soleiðis var eisini í Hoyvíkar skúla fyrrapartin.

Lndsliðsleikararnir vóru í morgun á vitjan í Hoyvíkarskúla, har bæði hjálparvenjarin og fleiri av leikarunum hava gingið, skrivar Hondbóltssamband Føroya. 

Sí nakrar myndir niðanfyri:

Sí eisini: Stórur áhugi fyri landsliðnum á Skála

Nógvir spælarar eru hoyvíkingar. Tað er fastur siður, at hondbóltslandsliðini vitja ymsastaðni, í sambandi við at tey eru savnaði í Føroyum.

Eftir vitjanina var løtt venjing á skránni í Hoyvíkshøllini. Spælararnir skulu nú gera seg til reiðar til uppgávuna móti Ukraina. Hon verður í Litava sunnudagin klokkan 13.

Hópurin fer avstað úr Føroyum í morginárini - Portalurin verður við á ferðini.