Hørður og liðfelagarnir skulu veruliga royna seg næstu dagarnar

Í áttandapartsfinaluni í steypakappingini kom Akademisk Boldblub víðari eftir dramatiskan dyst í Gladsaxe. Heimaliðið tók ímóti Velje úr Superliguni, men tað endaði við, at liðið úr triðbestu vann eftir brotssparkskapping. Gilli Rólantsson var ein av teimum, sum brendi fyri Vejle.

Hørður Askham spældi meginpartin av vanligu leiktíðini tá. Føroyski landsliðsmiðverjin er fastur maður í Gladsaxe og fær seg helst veruliga royndan saman við liðfeløgunum í morgin og leygardagin.

Talan er um tvær fjórðingsfinalur. Uppgávan hjá AB er truplari, tí báðir dystirnir verða spældir í Farum. Orsakað av frosti á vøllinum í Gladsaxe og trygdini hjá spælarunum, kann AB ikki spæla har, so FC Nordsjælland fær 180 minuttir, og møguliga meira, á heimavølli í uppgerðini - AB skal tó ikki langa leið at spæla spennandi útidystirnar.

FC Nordsjælland er í løtuni á 5. plássi í Superliguni. Liðið er eisini í Conference League-bólkaspælinum og liggur til at koma víðari. Talan er um tekniskt sterkt lið við greiðari leikætlan, og tað verður uttan iva ógvuliga trupult hjá Hørði og hinum.

Fyrri fjórðingsfinaludysturin millum AB og FC Nordsjælland í donsku steypakappingini verður bríkslaður í gongd í Farum klokkan 17 í kvøld. Dysturin sæst á DR2 (DRTV), umframt á Viaplay.