Høvuðsstaðurin fær nýtt tíggjumannafar

Úrmælingurin innan bátasmíð, Sámal Hansen hevur just smíðað nýggjan Havnarbát til Havnar Róðrarfelag. Hetta er triði havnarbáturin, sum Sámal Hansen hevur smíðað til Havnar Róðrarfelag í hesari øldini.

Sámal Hansen má sigast at vera tann mest royndi, núlivandi bátasmiðurin.  so í skrivandi stund er óvist, hvat nummar í røðini nýggi havnarbáturin er.

Sámal Hansen er útbúgvin maskinsmiður og hevur altíð verið sera fittur í hondunum og sera dunaligur til alt handaligt arbeiði. Sámal sleit ein part av síni barnaskóm í túninum hjá Andreas Hammer, bátabyggjara í Runavík, og har er helst áhugin fyri bátasmíði vaktur.

Fyrsti bátur Sámal, smíðaði varð tíggjumannafarið Kjølur til Kollafjarðar Ítróttafelag í 1997, Síðani smíðaði Sámal, Eystuoying til Kappróðrafelagið NSÍ í 1998, og hesin bátur var føroyameistari tvey tey fyrstu árini, hann róði. So ikki kann sigast annað enn at byrjanin við bátasmíði hjá Sámali eydnaðist sera væl. Hann róði sjálvur við Eysturoyingi í fleiri ár, og man tað ikki vera eindømi at bátasmiður vinnur FM við sínum egna báti.

Fyrst í 2000 var ordrabókin hjá Sámali so mikið full, at hann valdi bátasmíð sum fulltíðarstarv. Sámal smíðaði fulla tíð í kjallara í Runavík í fleiri ár, men nú er tað bara hobby, sigur hann.

(Mynd: Jan Herman Hansen)

Sum skilst, er ein partur av manningin á nýggja Havnarbátinum, teir garpar sum seinasta kappingarár róðu við áttamannafarinum Tórsbátinum, og tað royndist sera væl hjá teimum. Teir vunnu, í harðari kapping við gøtuskeggar, allar stevnur í fjørð.

Í ár verða tað so Norðoyingur, Klaksvíkingur, Risin og Havnabáturin, sum fara at kappast í tíggjumannaførum við monnum. Spennandi verður at vita, hvussu leikur fer, og um tað vera norðanmenn ella sunnanmenn, sum fara avstað við FM 2025.

Sunnanmenn hava í øllum førum sagt, at teir fara eftir FM, og tað fara heilt víst allir norðanmenn eisini, so tað verður helst sum í Mannafelsdali sinni, tá norðanmenn og sunnanmenn brustu saman í bardaga. So er spurningurin, um tað vera menn norðanfyri ella sunnanfyri Hórisgøtu, og um tað verur Grønur ella Reyður kassi sum fara á sigurspallinum á ólavsøku, ella um tað kanska verur ein Risi við Kolli, sum fær steypið.