Í dag skal Paraguai basast

Enn ein spennandi dystur stendur fyri framman í Trier. Tann seinasti í bólkaspælinum. Dysturin er móti suðuramerikanska landinum Paraguai og hann er avgerandi um Føroyar koma víðari í miðumfarið, sum verður spæld í Dortmund.

Vónirnar eru góðar. Føroysku kvinnurnar hava spælt tveir góðar dystir, harav tann seinni fríggjakvøldið var framúr góður.

Paraguai hinvegin hevur tapt báðar sínar dystir móti somu mótstøðulondum, sum Føroyar hava spælt ímóti, við 9 málum. Og hetta hóast hvørki Spania ella Montenegro spældi upp til sítt besta í teimum dystunum.

Eftir tveir kvøldardystir, skulu Føroyar í dag spæla ein seinnapartsdyst. Dysturin byrjar klokkan 15.30 lokala tíð, kl. 14.30 heima í Føroyum.

Dysturin skal vinnast ella enda javnt fyri at vit hava tryggjað okkum víðari luttøku í HM-kappingini. Tapa vit, er stórur vandi fyri at Føroyar enda í Presidents Cup, sum er víðari kappingin fyri tey ringastu londini, ið skulu spæla um plássini frá 25 til 32.

Meira um hetta kann lesast her: Plássið í Dortmund er ikki tryggjað enn

Sí eisini samrøðu við mentala venjaran, Jens á Skipagøtu: - Avbjóðingin liggur millum dystirnar

Portalurin verður til staðar til dystin í Trier Arena móti Paraguai.

Live bloggurin verður settur í gongd klokkan 12, og klokkan 13 verður eisini beinleiðis sending á FM1 við práti undan spennandi dystinum

--

Hoyr fimtu sendingina av FM1 í Trier her