Ingi Samuelsen
Deyvi føroyingurin, sum er millum teir skjótastu í heiminum í sínum aldursflokki, tá tað um gokart koyring umræður, hevur um vikuskiftið koyrt um heimsmeistaraskapin í tí, ið kallast Sodi W Series.
Kappingin varð hildin mikudagin til leygardagin á rasarabreytini nærhendis Campillos í Suðurspania.
Ian Anderson hevur ikki roynt hetta slagið av gokartum fyrr, men kláraði seg kortini væl. Eitt nú var hann fremstur av øllum í fyrsta riðlinum.
Eftir fleiri innleiðandi riðlar mikudagin, hósdagin og fríggjadagin, tryggjaði hann sær pláss í finaluni leygardagin, har hann gjørdist tann triði í mál.
Ian iðraði seg eitt sindur up triðjaplássi, tí hevði hann ikki fingið eina tíðarrevsing á trý sekund, sum hann ikki var heilt samdur í, so hevði hann verið í kappingini um sjálvt heimsmeistaraheitið.
Men tá samanum kom var Ian eisini nøgdur við at fáa eitt so gott úrslit.
- Nú ræður um at fyrireika seg til heimsmeistarakappingini, sum næsta ár verður koyrd á Le Mans breytini í Fraklandi, skrivar Ian Andersen á Facebookvanga sínum, Ian Andersen Racing
-
-
Ian Andersen kappaðist undir Merkinum til heimsmeistarakappingina í gokart
Vinarliga broyt tínar kennifíla - og privatlívsstillingar fyri at síggja hetta innihald