ÍF loypti hvøkk á KÍ

Fýra dystir eru um vikuskiftið leiktir í 18. umfari í Betri deildini hjá monnum.

NSÍ og Skála spældu við Løkin, og við einum máli frá Lars Viktor Filip Agardius og tveimum brotssparkum av Peturi Knudsen, vann NSÍ 3-0.

EB/Streymur hevði vitjan av HB, og gestirnir lótu ongan iva vera um, at teir framvegis royna eftir meistaraheitinum. HB vann trygt 4-0.

KÍ, sum hálva vegna er av veg av landinum at spæla Europa League-dyst móti Borac úr Bosnia Hersigovina, hevði vitjan av botnliðnum ÍF. Fuglfirðingar fingu í vikuni nýggjan venjara, og eina løtu sá út til at sonevnda venjaraeffektin fór at rigga. Gundur Ellingsgaard Petersen legði ÍF á odda 1-0 tá 40 minuttir vóru leiktir.

Í seinna hálvleiki gjørdi KÍ broytingar á liðnum, og tað bragdaði. Klaksvíkingar vunnu dystin 2-1.

Á Toftum er stórfagnaður um trý umráðandi stig móti 07 Vestur. Tað var Alex Mellengaard sum skoraði einsamalla málið í dystinum uppá brotsspark í 75. minutti.

Seinasti dysturin í hesum umfarinum verður í annaðkvøld, tá oddaliðið Víkingur er á vitjan hjá B36 í Gundadali.

NSÍ - Skála ÍF 3-0 (1-0)
18' Lars Viktor Filip Agardius 1-0 (Petur Knudsen)
88' Petur Knudsen 2-0 (br.)
90+7' Petur Knudsen 3-0 (br.)

EB/Streymur HB 0-4 (0-3)
4' Emmanuel Duah 0-1 (Hanus Sørensen)
22' Mikkel Dahl 0-2 (Mathias Voss)
43' Samuel Johansen Chukwudi 0-3
86' Mathias Voss 0-4

KÍ - ÍF 2-1 (0-1)
40' Gundur Ellingsgaard Petersen 0-1 (Uros Stojanov)
49' Joseph Michael Williams 1-1 (Patrick Da Silva)
57' Páll Klettskarð 2-1 (Árni Frederiksberg)

B68 - 07 Vestur 1-0 (0-0)
75' Alex Mellemgaard 1-0 (br.)

B36 - Víkingur
Mánadagin 12. august 18:30