Hondbóltur

Ísland framvegis møguleikan at vinna sær víðari luttøku

Við fýra-máls sigri á Japan er Ísland við í stríðnum um triðja plássið í bólki B.

Íslendskur fagnaður í München aftur í dag
(Mynd: EPA)

Íslendskur fagnaður í München aftur í dag (Mynd: EPA)

2019-01-16 16:22 Author image
Agnar Prestá
placeholder

4.umfar í bólkaspælinum í HM-endaspælinum er í gongd. Tveir teir fyrstu dystirnir í dag eru leiktir.

Okkara grannatjóð fyri vestan var í eldinum í Munchen. Japan var mótstøðuliðið, og Ísland hevði tørv á einum sigri. Íslendingar høvdu munin so at siga allan vegin, men japanska liðið helt væl fast til heilt ímóti endanum. Í hálvleikinum var munurin bert eitt mál.

Íslanedingar gjørdu nøkur mistøk, ið japanar revsaðu, og sum var við at halda liðnum hjá Dagur Sigurðsson inni í dystinum. Íslendski venjarin hjá Japan hevur fyrr umboða Ísland sum leikari, og førdi í 2016 Týskland til heitið sum evropameistari. 

Sigurin ger, at Ísland framvegis kann spæla seg víðari hóskvøldið. Hetta krevur tó, at Makedónia tapir fyri Spania í kvøld, og at Ísland síðani koppar makedónum.

Í bólki D vann Argentina lykladyst ímóti Angola. Suðuramerikanska liðið liggur nú best fyri at koma víðari sum nummar trý í bólkinum í Keypmannahavn.

Í bólki A og C varð 4. umfar leikt í gjár. Avgerandi dystirnir vera í morgin. 

Les eisini: Jóhan og Danmark við comeback sigri

Bólkur A: 
Frakland 7
Týskland 6
Russland 4
Brasila 4
Serbia 3
Korea 0

Bólkur B: 
Kroatia 6
Spania 6
Ísland 4
Makedónia 4
Japan 0
Bahrain 0

Ísland -Japan 25-21 (13-12)
17.00: Bahrain - Kroatia 

19.30: Makedónia - Spania 

Bólkur C:
Danmark 8
Norra 8
Tunesia 4
Eysturríki 2
Kili 2
Saudi Arabia 0

Bólkur D: 
Svøríki 6
Ungarn 5
Argentina 3
Qatar 2
Egyptaland 2
Angola 2

Angola - Argentina 26-33 (12-17)
17.00: Ungarn  - Egyptaland

19.30: Qatar  - Svøríki 

placeholder
placeholder