Fótbóltur

Javnleikur og Føroyar eru tryggjaðar í bólkinum

Vit hava fimm stig, og vera við vissu verandi í deild C í Nations League. Litava flytur niður.

(Skíggjamynd: Kvf.fo)

(Skíggjamynd: Kvf.fo)

2022-09-22 21:48 Author image
Sverri Egholm
placeholder

Vit fingu eitt stig á LFF Stadion í litaviska høvuðsstaðnum í kvøld. Úrslitið gjørdist 1-1.

Málini komu í fyrra hálvleiki. Jákup Biskopstø Andreasen átti síðsta høvd á bóltinum í 22. minutti eftir innlegg frá liðfelagnanum í KÍ, Jóannes Bjartalíð.

Tað tóktiskt sum at Føroyar høvdu tamarhald á dystinum, men soleiðis var ikki. 

Beint fyri hálvleik høvdu litavar bóltin í føroyska málinum eftir livasamt føroyskt verjuspæl. Í fyrsta umfari varð málið ikki viðurkent, men eftir at støðan hevði verið ein túr framvið VAR-rúminum, varð malið dømt at standa.

Í seinna hálvleiki hendi ikki so nógv, og til tíðir var føroyska liðið heldur fjálturstungið.

Føroyar hava fimm stig, og liggja nummar trý í bólkinum. Litava hevur bara eitt stig, og við einum dysti eftir, ber ikki til hjá teimum at vinna seg inn á okkum.

Síðsti dysturin í hesum umfarinum verður sunnudagin á Tórsvølli tá Turkaland er á vitjan.

Litava - Føroyar 1-1 (1-1)
22’ Jákup Biskopstø Andreasen 0-1
41’ Vykinstas Slivka 1-1

[object Object]

[object Object]

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder