Jens Joensen hevur longt við ÍF

ÍF boðar í kvøld frá, at miðverjugeneralurin hevur longt sáttmálan við felagið.

Jens Joensen kom til felagið seinasta vetur, eftir at runavíkingurin hevði spælt eitt ár í 1. deild við KÍ. Frammanundan hevði Jens bert spælt við barndómsfelagnum, NSÍ

Í ár hevur miðverjin spælt 22 dystir í Betrideildini, og í Fuglafirði hava tey verið sera væl nøgd við mannin við fýra-talinum á rygginum, sum samanlagt hevur spælt 236 dystir í Betrideildini.

Jens Joensen og ÍF hava í dag skrivað undir ein sáttmála, sum er galdandi fyri 2021.

 

Jens Joensen saman við formanni felagsins, Georges Rouah (Mynd: ÍF)

Leygardagin kunngjørdi ÍF, at klaksvíkingarnir Ólavur Niclassen og Steinbjørn Olsen verða nýggir í hópinum.