Jóan Pauli í Fuglafirði trý ár afturat

Í næstan tvey ár hevur Jóan Pauli Jacobsen verið høvuðsungdómsvenjari hjá ÍF.  Jóan Pauli kom úr KÍ, har hann áður hevði røkt sama starv í fleiri ár. Hann varð settur sum høvuðsungdómsvenjari við einum 2 ára sáttmála. Nú eru partarnir vorðnir samdir um at leingja samstarvið. 

ÍF skrivar á heimasíðu sínari, at tann nógva orkan ið Jóan Pauli hevur lagt í arbeiði, saman við øllum hinum venjarunum, hevur millum annað viðført, at fleiri leikarar eru blivnir úttiknir til landsliðið í ymiskum aldursbólkum.


(Jóan Pauli Jacobsen, uttast til vinstru, og hetta dreingjaliðið vunnu silvur í Aalborg International Youth Games í vikuskiftinum - Mynd: ÍF)

43-ára gamli Jóan Pauli Jacobsen hevur skrivað undir ein trý-ára sáttmála í leiklutinum sum høvuðsungdomsvernjai í Fuglafirði.