Ingi Samuelsen
Í gjárkvøldið var oddabrak í næstbestu týsku fótbóltsdeildini, 2. Bundesliga, tá Arminia Bielefeld tók ímóti stórfelagnum Hamburger Sport-Verein.
Arminia hevði við einum heimasigri møguleika at taka oddasessin í deildini frá Hamburger SV.
Men so gjørdist ikki. Dysturin endaði við javnleiki 1-1.
Føroyski landsliðsleikarin, Jóan Símun Edmundsson, fekk ein óhepnan høvuðsleiklut í dystinum, tá hann í 14. minutti hevði trekt seg aftur á vøllin, tók ímóti einum bólti og skuldi leggja hann aftur til málverjan.
Men bólturin endaði beint hjá Lukas Hinterseer, áloypara hjá HSV sum púra fríur kundi leggja gestirnar á odda.
Jóan Símun Edmundsson varð skiftur út hálvleikinum. Í byrjanini av øðrum hálvleiki javnaði Fabian Kloos fyri Bielefeld. Á videobrotinum herundir sæst, at sami Kloos hevði fleiri møguleikar fyri at avgera dystin, men fleiri mál komu ikki.
Hamburger SV liggur nú á odda í 2. bundesliga við 21 stigum, Stuttgart hevur 29 og Bielefeld 19 stig.
Vinarliga broyt tínar kennifíla - og privatlívsstillingar fyri at síggja hetta innihald