Jóan Símun til belgiskan fótbólt

Jóan Símun Edmundsson hevur skrivað undir við Wassland-Bevern. Tað varð kunngjørt fyrr í kvøld.

Wassland-Bevern spælir í næstbestu deildini í Belgia, og Jóan Símun Edmundsson er fyrsti føroyingur sum roynir seg í belgiskum fótbólti.

29 ára gamli toftamaðurin hevur seinastu trý árini spælt við týska Arminia Bielefeld í Bundesliguni.

Jóan Símun Edmundsson her í dysti móti Liktinstein herfyri (Mynd: Jens Kr. Vang)

- Eg eri glaður fyri at fáa møguleikan at spæla við Wassland-Beveren. Klári ikki at bíða til at koma í gongd og vónandi spæla ein leiklut í at røkka málunum hjá felagnum, sigur Jóan Símun Edmundsson á Instagram.

Felagið flutti niður í næstbestu deildina í fjør, og málið er nú at vinna sær pláss aftur millum teir bestu.