Agnar Prestá
Fredrikstad var ikki nær við at senda FC Midtjylland út í 3. umfari í Conference League.
Tað er tó okkurt jaligt, og serliga við føroyskum brillum, í sambandi við samanlagda 5-1 tapið:
Jóannes Bjartalíð skoraði málið hjá Fredrikstad, tað fyrsta málið hjá skaðadarvaða klaksvíkinginum, í 2025, og ein spennandi uppgávu evropeisk uppgáva bíðar nú.
Sí eisini: Jóannes Bjartalíð skoraði móti FC Midtjylland
Tá man tapir í 3. umfari í Europa League, fær man møguleikan í play-off umfarinum í Conference League. Har rennur Fredrikstad seg í Crystal Palace.
Møguleikin hjá norsku steypavinnarunum at sláa enska steypavinnaran út má metast at vera ógvuliga lítil, men talan verður helst um eina stóra uppliving hjá Jóannesi og teimum.
Fyrri dysturin verður spældur á Selhurst Park í London. Hetta í morgin, hósdagin 21. august, klokkan 20 føroyska tíð.
Vinarliga broyt tínar kennifíla - og privatlívsstillingar fyri at síggja hetta innihald