Jóhan á Plógv skoraði fýra mál

Danmark spældi í gjár seinasta venjingardystin áðrenn HM. Úrslitið gjørdist eitt 28-25 tap móti Ungarn.

Hóast danir ikki hava nógv at fegnast um við dystinum, kunnu føroyingar fegnast um avrikið hjá Jóhan á Plógv Hansen.

Jóhan spældi ein góðan dyst á høgra vongi og skoraði fýra mál.

Ikki er vist at Jóhan á Plógv Hansen verður við til HM, nú Hans Lindberg er um at verða klárur aftur.