Jónas eigur nú oyggjaleikametið

Tað var ikki einans ein flottur sigur, tá Jónas Gunnleivsson Isaksen rann frá sínum mótstøðumonnum í finaluni í 400 metra renning í kvøld.

Hann fekk eisini eina góða tíð, tí tað er ongin annar, sum hevur runnið so skjót á oyggjaleikum.

46,02 er nýtt oyggjaleikamet á 400 metrum.

Gamla metið átti Jamal Walton, sum rann í tíðini 46,33 tá hann vann kappingina í Gotlandi í 2017.