Annað

Kann enda við at dysturin verður fluttur orsaka av SAS-avlýsing

Zalgiris slapp ikki til Føroya í dag orsaka av mjørka í Vágum.

Mynd: Sverri Egholm

Mynd: Sverri Egholm

2018-07-09 19:56 Author image
Sverri Egholm
placeholder

Mótstøðuliðið hjá KÍ í øðrum umfari av Europa League er Zalgiris úr Litava.

Liðið skuldi koma við SAS í dag, men men mjørki í Vágum  gjørdi, at SAS avlýsti sína ferð til Føroya. Sostatt er stórt ivamál um dystin, sum er settur at vera í Gundadali klokkan 17 í morgin.

Norðlýsið skilir frá keldum, at dysturin helst verður seinkaður.

Ætlanin er at flyta dystin millum KÍ og Zalgiris til mikukvøldið klokkan 19, og yvir á Tórsvøll. Orsøkin til, at dysturin møguliga verður fluttur yvir á Tórsvøll er, at dystir sambært reglugerð ikki kunnu spælast á sama vølli dag um dag. Tí kann Svangaskarð heldur ikki brúkast, tí Víkingur spælir har týskvøldið.

Enn er hetta ikki váttað, og fundur verður í kvøld millum UEFA og feløgini.

placeholder
placeholder