Fótbóltur

Kappingarárið byrjar við endurtøku av FM-finaluni

Tvær grannauppgerðir eru í Eysturoynni í 1. umfari, sum er á skránni 8. mars. Betri Deildin endar 31. oktober.

KÍ endaði í fjør trý stig frammanfyri B36 og vann harvið sítt fyrsta FM-heiti í 20 ár. 3-0 sigurin í seinasta umfarinum gjørdist avgerandi (Mynd: Jens Kr. Vang)

KÍ endaði í fjør trý stig frammanfyri B36 og vann harvið sítt fyrsta FM-heiti í 20 ár. 3-0 sigurin í seinasta umfarinum gjørdist avgerandi (Mynd: Jens Kr. Vang)

2020-02-06 12:36 Author image
Agnar Prestá
placeholder

Um ein mánað, sunnudagin 8. mars, verður hol sett á landskappingina hjá monnum. Leikskráin er nú endaliga staðfest, og í 1. umfari er tað serliga áhugavert, at liðini ið spældu um FM á seinasta leikdegi í fjør hittast, tá B36 vitjar við Djúpumýru í Klaksvík.

1. umfar: 

AB - TB,
Víkingur - ÍF
EB/Streymur - HB
NSÍ og Skála
KÍ - B36

Síðsti dystur áðrenn summarsteðgin verður 28. juni. Fyrstu tveir dystirnir, ið standa á skrá eftir steðgin, eru 19. juli. Ein av teimum er NSÍ - HB. Saman við B36 skulu hesi liðini umboða føroyskan fótbólt í Europa League í summar. KÍ skal spæla í Champions League.

Á ólavsøku eru sum vant tveir dystir. Eins og í fjør vitjar Víkingur í Gundadali ólavsøkuaftan - hesaferð tekur HB ímóti. B36 tekur ímóti ÍF ólavsøkudag. 

Betri Deildin hjá monnum endar leygardagin 31. oktober:
B36 - AB
NSÍ - Víkingur
KÍ - HB
EB/Streymur - TB
Skála - ÍF.

Leikskráin fyri Betri Deildina 2020 hjá monnum sæst her

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder