KÍ hongur í HB og Víkingi

Seinasti dysturin í 10. umfari í Betrideildini varð spældur á Skála í kvøld. Har var KÍ á vitjan. Liðið hjá Espen Haug skuldi hava trý stig fyri ikki at missa í oddastríðnum, og hetta eydnaðist eisini.

Tað var í 18. minutti, at stóri og sterki franski miðverjin hjá KÍ stýrdi bóltin tað seinasta petti í málið. Hetta var eftir hart og gott hornaspark frá Árna Frederiksberg - bólturin kom heilt nær málinum, áðrenn hann rakti høvdið á Cedric Yamberé.

Hetta gjørdist eisinasta málið í dystinum. KÍ fekk ikki sítt spæl at flóta í kvøld og gjørdi eisini mistøk, ið góvu Skála málmøguleikar. Serliga var portugsiski áleyparin Carlos Ferreira nær við.

Heimaliðið var eisini við allan vegin, men tað eydnaðist ikki at javna. Seinastu løtuna legði Skála eitt ávíst trýst, men tað var í roynd og veru KÍ, ið var nærri at skora tá. Hetta var, tá Árni Frederiksberg fekk nógv pláss í mótálopi. Skotið fór tó uppum

Tað var heldur ikki serliga sannførandi á Skála hesaferð hjá KÍ men aftur ein tepur sigur. Talan var um tann fimta á rað hjá teimum í bláum. Í hesum hevur KÍ bert latið eitt mál inn, og trífaldu føroyameistararnir eru eisini eftir hetta umfarið trý stig aftanfyri Víking og HB. 

10. umfar í Betrideildini hjá monnum
Í dag, týsdagin 21. mai
Skála - KÍ 0-1 (0-1)
18' Cedric Yamberé (Árni Frederiksberg) 0-1

Uppstillingar, tøl og annað

Í gjár, mánadagin 20. mai 
HB - B36 2-1 (1-0)
43' Mikkel Dahl 1-0
51' Marius Kryger Lindh (Bjarki Nielsen) 1-1
69' Viljormur Davidsen 2-1

Uppstillingar, tøl og annað her

Víkingur - NSÍ 2-0 (0-0)
90 (+2)' Poul Kallsberg (Olaf Bárðarson) 1-0
90 (+7)' Martin Klein Joensen (Signar á Brúnni) 2-0

Reytt kort: Dion Splidt (66' - seinna gula)

Uppstillingar, tøl og annað her

Les eisini: HB og Víkingur halda fram við FM-kapprenningini

ÍF - B68 2-2 (1-2)
15' Brian Jakobsen (Fríði í Túni Petersen) 0-1
40' Elvio Gelmini (Gundur Petersen) 1-1
45' Brian Jakobsen (Áki Johannesen) 1-2
90 (+4) Elvio Gelmini (Jhon Mena) 2-2

Les meira: ÍF og B68 hava framvegis ikki vunnið

Reytt kort:Villiam Emil Klein (84' - seinna gula)

Uppstillingar, tøl og annað her

07 Vestur - EB/Streymur 2-0 (0-0)
56' Emil Grønn Pedersen (Julian Mouritsen) 1-0
90 (+1)' Magnus Isager (Emil Grønn Pedersen) 2-0

Uppstillingar, tøl og annað her

Støðan í Betri deildini hjá monnum
1. Víkingur 27 stig
2. HB 27 stig
3. KÍ 24 stig 
4. NSÍ 18 stig 
5. B36 14 stig
6. 07 Vestur 14 stig 
7. Skála 10 stig 
8. EB/Streymur 4 stig 
9. B68 3 stig 
10. ÍF 3 stig