Agnar Prestá
Í gjár fekk B36 eitt ynskilutakast til 2. umfar í Europa League: Um beint yvir tvær vikur kemur The New Saints úr Wales á vitjan á Tórsvølli
Les eisini: Jákup á Borg: - Sjálvandi er talan um eitt sterkt lið
Tað gjørdist eisini greitt, at KÍ ikki slapp beinleiðis víðari til playoff-umfarið,
sum tað var ein tjúgu prosent møguleiki fyri. Ístaðin kemur KÍ inn í triðja umfar. Í gjárkvøldið gjørdist greitt, júst hvørjir møguleikar klaksvíkingar hava.
KÍ kann møta vinnaranum av einum av hesum dystunum:
Connah's Quay Nomads (Wales) - Dinamo Tbilisi (Georgia)
Djurgården (Svøríki) - Europa (Gibraltar)
Linfield (Norðurírland) - Floriana (Malta)
Flora Tallinn (Estland) - KR Reykjavík (Ísland)
Hesir dystirnir verða leiktir 17. september
Tað er eingin ivi um, at serliga heimavøllur móti vinnarunum í einum av tveimum teimum næstu dystunum gevur KÍ ein góðan møguleika. Har eru heimaliðini rímiliga greiðir favorittar - serliga Linfield. Í hinum dystunum eru Dinamo Tbilisi og Djurgården stórfavorittar, og serliga er georgiska stórfelagið sterkt á pappírinum.
B36 kann fáa ógvuliga torføra uppgávu
KÍ er styrkismett til 3. umfar, tí liðið "yvirtók" styrkismetingina frá Slovan Bratislava á ein hátt. B36 er ikki, og um liðið hjá Jákupi á Borg vinnur á New Saints á Tórsvølli, so bíðar eitt av hesum liðunum:
Neftçi Baku (Aserbadjan) - Galatasaray (Turkaland)
CSKA Sofia (Bulgaria) - BATE Borisov (Hvítarussland)
Kaysar Kyzylorda (Kasakstan) - APOEL (Kýpros)
Viktoria Plzen (Kekkia)
Harvið er sannlíkindini ikki góð fyri, at B36 fær eitt gott lutakast. Tó hevði tað merkt sera nógv, um tað í so fall hevði verið heimavøllur fyri triðju ferð á rað, tí serliga ein útidystur móti einum av hesum liðunum kann gerast sera tungur.
Lutakstið í dag verður kl. 11.30. Til ber at fylgja tí her
Vinarliga broyt tínar kennifíla - og privatlívsstillingar fyri at síggja hetta innihald