KÍ-málverji til EB/Streym

EB/Streymur boðar í dag frá, at Kristian Joensen sum í ár vann Føroyameistaraheitið við KÍ, framyvir spælir fyri sundalagsmenn.

29 ára gamli Kristian Joensen av Glyvrum hevur verið fastur í málinum hjá KÍ seinastu árini, men hevur mesta partin av hesum kappingarárinum sitið á bonkinum.

Eyðstein Zachariassen, næstformaður í EB/Streymi og Kristian Joensen (Mynd: EB/Streymur)

Sambært FaroeSoccer hevur Kristian Joensen leikt 191 dystir í Betri deildini, umframt 101 í 1. deild, 29 í kappingini um løgmanssteypið og 14 dystir í Champions League og Europa League. Umframt tað, hevur hann eisini verið úttikin til føroysku landsliðini.

Rói Zachariasen, sum hevur staðið í EB/Streymamálinum, fer næsta kappingarár at verja AB-málið.

Rói Zachariasen (Mynd: Sverri Egholm)