Fótbóltur

KÍ skal spæla móti Slovan Bratislava

Liðini, sum skuldu hittast í 2020, í bólki saman í Conference League. Franska Lille er á pappírinum sterkasta liðið í bólki A - slovenska Lublijana er helst besti møguleikin fyri stigum.

KÍ-spælarar eftir 1-1 málið í gjár. Tað endaði við tapi í Tiraspol - harvið endaði KÍ í Conference League-bólkaspælinum, har lið úr Fraklandi, Slovenia og Slovakia eru á skránni (Mynd: Sverri Egholm)

KÍ-spælarar eftir 1-1 málið í gjár. Tað endaði við tapi í Tiraspol - harvið endaði KÍ í Conference League-bólkaspælinum, har lið úr Fraklandi, Slovenia og Slovakia eru á skránni (Mynd: Sverri Egholm)

2023-09-01 14:11 Author image
Agnar Prestá
placeholder

KÍ kom upp fyrst úr potti 4, tá lutkastið til UEFA Europa Conference League-lutakastið var fyri lítlari løtu síðani.

Úrlslitið varð hetta: 

Bólkur A: 
LOSC Lille (Frakland)
SK Slovan Bratislava (Slovakia)
NK Olympia Lublijana (Slovenia)
KÍ

Áhugavert er tað serliga, at liðið, sum KÍ kom víðari ímóti uttan dyst í Champions League í 2020, er í bólkinum. KÍ fær helst kaldliga móttøku í slovakiska høvuðsstaðnum Bratislava.

Menninir hjá Magna Hoseth skulu eisini til Slovenia. NK Olympia Lublijana var í triðja styrkibólki og er besti ítróttarligi møguleikin á pappírinum.

Franska Lille verður ein stórur biti. Liðið vann franska meistaraheitið í 2021.


Breiðablik og Klæmint Olsen komu í bólk við Gent, Maccabi Tel-Aviv og Zorya Luhansk. Eins og við KÍ, er talan um fyrsta íslendska liðið sum er í einum bólkaspælið.

Fyrsti dysturin í bólkaspælinum, sum verður søguligt fyri føroyskan fótbólt, verður 21. septeber. Bólkaspælið endar mitt í desember.

Meira seinni.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder