Klæmint skrivað undir nýggjan sáttmála við NSÍ

Liðskiparin hjá NSÍ, Klæmint A Olsen, hevur longt sáttmálan við felagið.

Klæmint hevur seinastu nógvu árini verði stuðulsleikari, undangongumaður og liðskipari hjá NSÍ. Nú hevur málkongurin í føroyskum fótbólti longt sáttmálan við NSÍ við 2 árum avtrat, skrivar NSÍ á heimasíðuni.

Klæmint er mest skorandi leikarin í føroyskum fótbólti nakrantíð við 176 málum. Hann hevur skorað 14 mál í hesum kappingarárinum og liggur ovast á toppskoraralistanum.