Fótbóltur

Lampard fekk bert javnleik í sínum fyrsta heimadysti

Sheffield United vann sín fyrsta dyst í Premier League í 12 ár.

Frank Lampard og hansara menn fingu ikki fult í dag (Mynd: EPA)

Frank Lampard og hansara menn fingu ikki fult í dag (Mynd: EPA)

2019-08-18 19:16 Author image
Agnar Prestá
placeholder

Tveir dystir í Premier League vórðu leiktir í dag.

Les eisini: Liverpool og Arsenal hava fult stigatal

Sheffield United, ið av teimum flestað verður roknaður sum ein trygur niðurflytari, hevur fingið eina frálíka byrjan uppá tilveruna í Premier League. Liðið fekk javnleik á útivølli ímóti Bournemouth seinasta vikuskifti, og í dag eydnaðist tað at basa Crystal Palace við málið beint eftir stegðin.

Chelsea spældi eina góða Super Cup-finalu ímóti Liverpool í Istanbul mikudagin. Tað endaði tó við tapi í brotssparkskapping, og Premier League byrjaði heilt illa við 4-0 tapi á Old Trafford seinasta sunnudagin. Í dag legði Chelsea hart út, og longu eftir 7 minuttir vann Mount bóltin av Ndidi, og skoraði trygt í sínum fyrsta heimadysti fyri fyrsta liðið í Chelsea-búnanum.

[object Object]
(Mason Mount setti Chelsea í gongd á Stamford Brigde - Mynd: EPA)

Hetta var eisini fyrsti heimadysturin við Frank Lampard á odda, og fyrrverandi stjørnan á miðvøllinum fekk eisini eina frálíka móttøku av áskoðarum. Hann fekk tó ikki nakað frálíkt úrsit. Leicester mentist sum dysturin leið, og javnaði miðskeiðis í 2. hálvleiki eftir hornaspark. Síðani var dysturin púra opin, men útiliðið var nærri við at leggja seg á odda. Harvið er Chelsea longu nakað aftanfyri hini "topp-seks liðini"

Í morgin hevur United møguleikan at koma uppá seks stig. Uppgávan ímóti Wolverhampton verður tó ógvuliga trupul. 


Premier League, 2. umfar

Sunnudagin, 18. august

Sheffield United - Crystal Palace 1-0 (0-0)
47' John Lundstram 1-0

Chelsea - Leicester 1-1 (1-0)
7' Mason Mount 1-0
67' Wilfried Ndidi 1-1


Leygardagin, 17. august

Arsenal - Burnley 2-1 (1-0)
Aston Villa - Bournemouth 1-2 (0-2)
Brighton - West Ham 1-1 (0-0)
Everton - Watford 1-0 (1-0)
Norwich - Newcastle 3-1 (1-0)
Southampton - Liverpool 1-2 (0-1)
Manchester City - Tottenham 2-2 (2-1)


Í morgin: 

20.00: Wolverhampton - Manchester United

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder