Fótbóltur

Lava stillar nú gaggurnar

Leirvíkingurin hevur ikki spælt í ár, og skaðar hava verið ein meinbogi seinastu árini. Kraftmikli áleyparin hevur vunnið tvey FM-heiti og steypakappingina heili seks ferðir við Víkingi.19 A-landsdystir og tvey mál er Andreas Lava Olsen skrásettur fyri.

Seinastu tíðina hevur "Lava-maðurin" sitið nógv uttanfyri, og nú gera ryggtrupulleikar sítt til, at 36-ára gamli leirvíkingurin gevst á hægsta stigi í Føroyum (Savnsmynd: Sverri Egholm)

2024-07-16 13:15

Agnar Prestá

Skjótur, krútsterkur, ikki altíð serliga lættur at rokna út og kundi skjóta sum ein hestur. Tá hann var uppá tað besta, var Andreas Lava Olsen ógvuliga torførur at hava við at gera hjá verjuspælarum.

Sum ungdómsspælari var hann til royndarvenjing og fekk eisini bjóðað sáttmála í Onglandi, men spennandi áleyparin vildi heldur verða í Leirvík - hann var bara eitt stutt skifti í danska høvuðsstaðarfelagnum Frem- Andreas spældi eisini við LÍF fram til, at felagið legði saman við Víkingi í 2008. Síðsta árið í 1. deild í Leirvík (2007) skoraði "Lava-maðurin" 19 mál.

[object Object] (Savnsmynd: Sverri Egholm)

Tað er ikki tí, at hann hevur havt nógv ár við einum heilt høgum málsnitti í Víkingi - tað besta var 15 mál samanlagt í 2021. Skaðar hava leingi darvað, og sjálvdan seinastu árini hevur hann spælt 90 minuttir ella útvið tí í fleiri dystir í eitt koyr. Lava hevur tó havt ein eginleika at hava einstakar dystir og tíðarskeið, har hann veruliga hevur gjørt bart.

Andreas Lava Olsen og Víkingur gjørdu skjótt bart í steypakappingini. Høgi áleyparin skoraði í steypafinaluni á ólavsøku í 2009, sum Víkingur vann 3-2 á EB/Streymi.

[object Object] (Savnsmynd: Sverri Egholm)

Samanlagt skoraði Lava í trimum steypafinalum og fekk Víking í steypafinaluna í 2022 við sínum máli í hálvfinaluni móti HB.

Liðið úr Eysturkommunu vann hesa finaluna, eins og fimm aðrar. Andreas Lava Olsen vann eisini tvey FM (2016 og 2017) Í 2016 skoraði Lava fimm mál seinastu fýra umførini og var stórur partur av fyrsta føroysmeistataheiti felagsins.

Hann skoraði eisini í báðum Evropa League-dystunum móti Daugava úr Lettlandi í 2014, tá Víkingur kom víðari.

Andreas Lava Olsen spældi 19 A-landsdystur og er skrásettur fyri tvey mál: Eitt í Eysturríki í 2009 og eitt í 3-2 sigrinum á Malta í 2020.

[object Object] (Savnsmynd: Jens Kr. Vang)

(Mynd: Bjarni Enghamar)

Ymiskir skaðar hava darvað, og í ár hevur tað verið ryggurin. Hann hevur ikki fingið spælt ein minutt. Nú er greitt, at tað er best hjá 36-ára gamla leirvíkinginum ikki at spæla fótbólt meira á hægri stigi.

Tøl: FaroeSoccer og FSF

Vinarliga broyt tínar kennifíla - og privatlívsstillingar fyri at síggja hetta innihald