Líggjas Joensen bar vatnið

Setanin av oyggjaleikunum á Guernsey er í gongd í løtuni í býnum St. Peter Port.

Ein siðvenja er, at vatn frá øllum luttakandi oyggjunum, verður stoytt í eitt felags kar.

Og tað var yngsti føroyski íðkarin í hópinum hesaferð, 14 ára gamli svimjarin, Líggjas Joensen úr Ægir, sum fekk heiðurin at stoyta vatnið.

Vatnið hesaferð er tikið úr Svartafossi í Havn.

Í morgin fara fyrstu kappingarnar í gongd og leikirnir byrja av álvara.