Fótbóltur

Liverpool kann taka oddasessin aftur

Sjey dystir í 26. umfari verða leiktir í dag, har Liverpool skal koma aftur á sigurkós, og United og Arsenal kunnu leggja trýst á Chelsea..

Van Dijk og Liverpool leita eftir trimum stigum á Anfield í dag
(Mynd: EPA)

Van Dijk og Liverpool leita eftir trimum stigum á Anfield í dag (Mynd: EPA)

2019-02-09 11:55 Author image
Agnar Prestá

Stríðið um 1. plássið, stríðið um Champions League-plássið og stríðið fyri at sleppa undan niðurflyting. Hetta er uppá spæl í dagsins dystum í 26. umfari í Premier League.

12.30: Fulham - Manchester United 

15.00: Crystal Palace - West Ham
           Huddersfield - Arsenal
           Liverpool - Bournemouth 
           Southampton - Cardiff
           Watford - Everton 

17.30: Brighton - Burnley

Langi fótbóltsdagurin byrjar í London, við ánna Thames, har Fulham tekur ímóti United. Ranieri og hansara menn stríðast fyri at sleppa undan niðurflyting, men hava heili sjey stig upp til strikuna og stórar trupulleikar við verjupartinum. Solskjær og hansara menn hava nógvan viðvind, og kunnu við einum sigri í London leggja seg á 4. plássið. 

Liverpool hevur skinklað seinastu dagarnar, og eftir at liðið hjá Klopp hevur spælt tveir javnleikir, tók City oddasessin aftur við sigri á Everton mikukvøldið. Liverpool hevur tó ein dyst færri, og við at fáa stig í dag tekur liðið 1. plássið aftur. Á Anfield er Liverpool stófavorittur, men skal vísa nakað annað enn tveir teir seinastu dystirnir, sum eru endaðir við javnleiki.

Í Suðuronglandi eru tveir umráðandi dystir í botnstríðnum. Tað er ógvuliga javnt, og úrslitini í Southampton og Brighton kunnu fáa stóran týdning í mun til høvr verður verandi í deildini.

Støðan undan 26. umfari

1

Manchester City *

 

62 stig

2

Liverpool 

 

62 stig

3

Tottenham Hotspur 

 

57 stig

4

Chelsea

 

50 stig

5

Manchester United

 

48 stig

6

Arsenal 

 

47 stig

7

Wolverhampton Wanderers

 

38 stig

8

Watford

 

34 stig

9

Everton *

 

33 stig

10

AFC Bournemouth 

 

33 stig

11


Leicester City

 

32 stig

12

West Ham United 

 

32 stig

13

Brighton & Hove Albion

 

27 stig

14

Crystal Palace

 

27 stig

15

Newcastle

 

24 stig

16

Southampton

 

24 stig

17

Burnley

 

24 stig

18

Cardiff City

 

22 stig

19

Fulham

 

17 stig

20

Huddersfield Town

 

11 stig

* Leikt ein dyst fleiri