Liverpool heldur fram við at vinna

Liverpool vitjaði Sheffield United á Brammal Lane á middegi, har teir vunnu sín sekstanda sigur á rað í Premier League. Teir vunnu teir síðstu níggju dystirnar seinasta kappingarár, og hava vunni teir fyrstu sjey í hesum kappingarárinum. 

Hálvleiksstøðan var 0-0, og har vóru fáir málmøguleikar í fyrra hálvleiki.

Sheffield United, ið flutti upp úr næstbestu deildini í fjør stríddist og vardi væl. Men tá 20 minuttir vóru eftir góðu teir Liverpool eina gávu, tá málmaðurin misti bóltin millum beinini og í málið, eftir eitt langskot frá Georginio Wijnaldum.

1-0 gjørdist endaliga úrslit, og tað ger at Liverpool framvegis hevur fult stigatal, nú teir hava spælt sjey dystir.