Ljósið hevur framsýning í høllini á Hálsi

Í morgin, sunnudagin 14. apríl, klokkan 15 hevur Fimleikafelagið Ljósið framsýning í høllini á Hálsi í Havn.

– Kom og síggj, hvat vit hava lært! Liðini eru fjølbroytt, og har er heilt víst okkurt til øll. Vilt tú síggja amboðsfimleik, fara bæði yngri og eldri at vísa hvat tey duga, og ert meira tú til rútmu ella estetiskan fimleik, ja so vera hesi sjálvandi eisini á gólvinum, skrivar fimleikafelagið, sum hevur arbeitt fram móti framsýningini síðan tíðliga í heyst.

– Í fjør vann felagið Fimleikafagnaðin við framførsluni av teimum tólv stjørnuteknunum, og munnu ikki onkur teirra finna veg inn undir littu perurnar eisini?

– Har verður eisini møguleiki fyri kaffi og tombola, eins og minnismyndir vera til keyps, skrivar Ljósið.