Lydia fekk bronsu í kúluvarpi

Føroyar fingu eisini eitt bronsuheiðursmerki á leikvøllinum fyri frælsar ítróttir í kvøld.

Tað var Lydia Poula Simonsen, sum vann bronsu í kúluvarpi.

Lydia kastaði kúluna út á 11,14 metrar, og tað var besta kastið í kvøld, um sæð verður burtur frá Saaremaa.

Linda Kivistik – sama kvinnan sum vann spjótkastið í gjárkvøldið – var eisini tann, sum fekk kúluna longst út. 12,55 metrar gav gull, og silvur fór eisini til Saaremaa, tá Airike Kapp stoytti kúluna út á 11,75 metrar.

Longu í fyrsta umfari løgdu Kivistik og Kapp seg fram um føroysku Lydiu, og støðan var óbroytt gjøgnum alla kappingina, hóast allar tríggjar megnaðu at betra sítt varp nakrar gjøgnum kappingina.