Málleysur fyrri hálvleikur á Tórsvølli

Talan var um eina varna byrjan á Tórsvølli, har Malta var eitt sindur meir á bóltinum fyrstu minuttirnar, og hevði nøkur langskot, tó uttan at gerast vandamiklir.

Aftaná eitt korter fingu føroyingar fyrsta góða møguleikan, tá bólturin tilvildarliga fall til Jóan Símun Edmundsson, sum tó ikki fekk beint bóltin móti málinum. Eftir hetta tók Føroyar yvir, og byrjaðu at seta seg á dystin.

Eftir 22 minuttir fingu føroyingar aftur ein stóran møguleika, tá Brandur Olsen skeyt fríspark úr høgru til aftasta øki, har Hallur Hansson tveitti seg fram og skallaði, men bólturin fór framvið.

Beint fyri hálvleik var aftur ein vandamikil støða í maltesiska brotsteiginum, har Jóannes Bjartalíð spældi útfrá til Jóannes Kalsø Danielsen, men skotið frá debutantinum bleiv blokera.

Fyri at taka samanum, kunnu vit siga Føroyar hava verið meir á bóltinum, men mangla at skapa teir heilt stóru møguleikarnar.