Manslandsliðið móti Montenegro og Danmark úttikið

Nú er greitt hvussu A-landsliðið við monnum verður mannað til triðja og síðsta EM-undankappingarumfar, sum verður í juni. 

Hópurin varð kunngjørdur á tíðindafundi í høvuðssætinum hjá BankNordik í morgin.

Tveir nýggir mans eru í hópinum. Tórður Guttesen, ið varð kosin ársins málverji í Føroyum farna kappingarár, er úttikin til landsliðið á fyrsta sinni. Hilmar Leon Jacobsen, ið hevur verið darvaður við skaða í longri tíð, er eisini úttikin, skrivar Hondbóltssambandið.

(Tórður Guttesen varð kosin ársins málverji í Føroyum farna kappingarár: Mynd - Sverri Egholm)

Manslandsliðið skal spæla móti Montenegro í Farum 13. juni og móti donsku heimsmeistarunum í Aalborg 16. juni.

Landsliðsvenjararnir, Sonni Larsen og Jeppe Borch, hava úttikið 16 leikarar til uppgávurnar.

Landsliðshópurin

Málverjar
Tórður Guttesen, Kyndil
Nicholas Satchwell, Neistin

Spæliskiparar
Jónas Gunnarson Djurhuus, Viking Stavanger
Tróndur Kragesteen, Neistin

Strikuspælarar
Rógvi Dal Christiansen, Kyndil
Helgi H. Hoydal, Viking Stavanger
Rókur Akralíð, HEI

Bakspælarar
Áki Egilsnes, KA Akureyri
Kjartan Johansen, Viking Stavanger
Hans Eli Sigurbjørnsson, KÍF
Peter Krogh, H71
Hilmar Leon Jacobsen, H71

Vongspælarar
Allan Norðberg, KA Akureyri
Nicklas Selvig, Stavanger IF
Rói Berg Hansen, FIF

Verjuspælarar
Brandur Halgirsson