Maroon 5 framførir til Super Bowl

Ein av størstu tónleikaframførðslunum hvørt ár, er hon í hálvleikinum í Super Bowl. Fleiri milliónir fólk hyggja eftir framførðsluni, og fyri fleiri er tað eisini hæddarpunktið við Super Bowl.

Síðani september hava leysasøgur gingið um at tónleikabólkurin Maroon 5 skal framføra. Nú hevur NFL kunngjørt, at tónleikabólkurin skal á pallin saman við rapparunum Travis Scott og Big Boi.

Hvørji lið spæla í Super Bowl er enn ikki avgjørt. Liðini, sum enn eru við í kappingini um at koma í finaluna eru Kansas City Chiefs, Los Angeles Rams, New England Patriots og New Orleans Saints.