Fótbóltur

Meinhardt heldur fram at verja málið hjá TB

Aldursforsetin leigar 40-ára gamla klaksvíkingin til komandi tveir dystirnar, ið eru móti ÍF og AB.

Meinhardt Joensen helt málið hjá TB reint í dystinum í Sarpugerði í 5. umfari (Mynd: Jens Kr. Vang)

Meinhardt Joensen helt málið hjá TB reint í dystinum í Sarpugerði í 5. umfari (Mynd: Jens Kr. Vang)

2020-06-11 09:40 Author image
Agnar Prestá
placeholder

Frederik Marius Mehder er framvegis darvaður av skaðanum, ið hann fekk eftir eitt spark í høvdið í dystinum móti KÍ, og fær harvið ikki spælt ímóti ÍF í vikuskiftinum, sum ætlanin annars var. 

Hetta skrivar heimasíðan hjá TB, ið samstundis staðfestir, at felagið leigar Meinhardt Joensen í tveir dystir afturat.

Les eisini: TB: Samstarvið við Fagerberg endað

Meinhardt er elsti leikarin, ið hevur spælt í Betrideildini í ár. Hann hevur seinastu tríggjar dystirnar spælt fyri TB. Har hevur málverjin latið fýra mál inn samanlagt - í heimadystunum móti B36 og HB - men var við til at tryggja TB sítt fyrsta stig í ár við at halda málið reint á útivølli móti Víkingi. 

- Meinhardt Joensen hevur verið ein dyggur stuðul, og leigan av honum er nú longd til komandi tveir dystirnar, skrivar tb.fo.

Leygardagin tekur TB ímóti ÍF, og mikudagin vitja tvøramenn á Skála. Tískil er talan um sera umráðandi dystir fyri TB, ið skal hava nøkur stig í hús.


Støðan: 
1. HB (18 stig) 
2. NSÍ (13 stig) 
3. KÍ (13 stig)
4. B36 (12 stig)
5. Víkingur (11 stig) 
 6. ÍF (9 stig) 
7. EB/Streymur (6 stig) 
8. AB (2 stig)
9. TB (1 stig)
 
10. Skála (1 stig) 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder