Meistararnir høvdu málveitslu móti niðurflytarunum

Tað sást frá byrjan, at klaksvíkingar als ikki ætlaðu at geva niðurflytarunum av Skála nakrar gávur. Longu tá 19 minuttir vóru leiktir var 4-0, og Páll Andrasson Klettskarð átti seinasta fótin á øllum málunum.

Í seinna hálvleiki komu fýra mál. Eitt dreymahøgg frá Árna Frederiksberg, og skot frá Deni Pavlovic og Jóannes Bjartalíð, og til síðst var Páll Andrass Klettskarð aftur á máltalvuni.

Punktum er sett fyri eitt framúr kappingarár hjá KÍ, sum hevur tikið metið hjá HB við flest stigum eitt kappingarár. KÍ endar við 77 stigum, og metið hjá HB í 2018 var 73 stig.

KÍ - Skála 8-0 (4-0)
5’ Páll Andrasson Klettskarð 1-0
9’ Pall Andrasson Klettskarð 2-0
13’ Páll Andrasson Klettskarð 3-0
19’ Páll Andrasson Klettskarð 4-0
55’ Árni Frederiksberg 5-0
64’ Deni Pavlovic 6-0
70’ Jóannes Bjartalíð 7-0
88’ Páll Andrasson Klettskarð 8-0