Hondbóltur

Menninir hjá Neistanum eisini væl frá byrjan

Tveir sigrar til tey í bláum á Hálsi í dag.

(Savnsmynd/Sverri Egholm)

(Savnsmynd/Sverri Egholm)

2018-09-15 20:00 Author image
Agnar Prestá

Fyrsti dystur í Okkara-deildini, ið er fremsta mansdeildin í hondbólti, varð leiktur fyri løtu síðani í Høllini á Hálsi. KÍF var á vitjan hjá Neistanum, og tað endaði við tryggum sigri til heimaliðið.

Neistin var í FM-finalununum seinasta kappingarárið og kom í dag væl frá byrjan. Tað tók ikki leingi, til heimaliðið hevði tikið leiðsluna. Í hávleikinum var Neistin á odda við fýra málum, og sigurin kom ongantíð í vanda í 2.hálvleiki.

Neistin verður mett at verða ein av liðunum, ið kann bjóða H71 av, meðan í Kollafirði er ein av trupulleikunum ein smalur hópur.

Neistin - KÍF 24-18(11-7)

Toppskjúttar: Tróndur Kragesteen og Torkil Hentze(Neistin) 6, Hans Eli Sigurbjørnsson(KÍF) 6

Í morgin verða tveir dystir í Okkara-deildini. Báðir byrja klokkan 16.00: 

VÍF - StÍF
Kyndil - Team Klaksvík

placeholder
placeholder