Møguliga eitt flogfar afturat til Molde

Ynskir tú at sleppa við KÍ til Molde í næstu viku, fært nú møguleikan. 

KÍ fjepparar skipa fyri flogtúri í samstarvi við Atlantic Airways um nóg stór undirtøka er, men umráðingartíðin er ikki long.

Soleiðis stendur á KÍ-fjepparabólkinum:

Um nóg stór undirtøka er, verður flogið úr Føroyum Beinleiðis til Molde týsdag 15. august kl 03.30 og heimaftur mikudag 16. august kl 00.15.

Umráðingartíðin er ikki long, til í morgin 11. august kl 10.00

Kostnaður: 3600 kr sum bert er fyri ferðaseðilin.

Má verða goldið í seinasta lagi í morgin kl. 10.

Áhugaði senda mail til [email protected] mailar verða svaraðir eftir raðfylgju.

Túrurin er við tí fyrivarni, at flúgvarin verður fullur. Tað eru 174 setur.