Mótstøðuliðið hjá NSÍ roynir nú aftur at seta kósina móti Føroyum

Ferðalagið hjá Hamrun Spartans var strandað í Bergen stóran part av mikudegnum, og skuldi møta aftur á norska flogvøllinum aftur í morgun klokkan sjey lokala tíð.

Men heldur ikki tá fór flogfarið avstað. 

Á heimasíðuni hjá Bergen airport stendur fráferðartíðin nú at vera klokkan 11 norska tíð - klokkan 10 føroyska tíð - og Portalurin fekk upplýst fyri løtu síðani, at ferðalagið hjá Hamrun Spartans var á veg umborð á Trade Air-flogfarið.

Sambært fae.fo skal flogfarið lenda klokkan 11.30.

Vis dette opslag på Instagram

Et opslag delt af Net News (@netnewsmalta)

Spurningurin er so, um tað fer at eydnast. Sambært tølunum og upplýsingunum úr Vágum, fer tað at vera lættari hjá leiguflogfarinum at lenda seinnapartin. Serliga eftir klokkan 15.

Um so er, at Hamrun Spartans-hópurin lendir sum ætlað áðrenn døgurða, er eingin forðing fyri, at dysturin kann spælast klokkan 19.45.

Sum skilst er hetta einasta royndin, sum verður gjørd í dag. Maltasport skrivar, at annars verður kósin sett móti Malta aftur.

Hetta hóast maltasport.mt, sum er við á ferðini, millum annað skrivar um "frustreraðir spælarar sum ikki kunnu hugsavna seg um taktikk og hvíld".

Hetta eru sjálvandi ikki tær bestu fyritreytirnar hjá Hamrun Spartans-hópinum, men tað hevði hjálpt at roynt at komið til Føroya áðrenn mikumorgunin; ella nýtt Atlantic Airways, hvør flogfør øll kunnu lenda.

UEFA hevur heimild til at útseta dystin í minst 24 tímar, og í maltesisku leguni er ynskir at flyta Conference League-dystin til fríggjakvøldið.

Dagført: 10.05

Conference League 1. umfar
Hósdagin 9. juli við Djúpumýru
19.45: NSÍ -  Hamrun Spartans (Malta)

FM1 sigur frá dystinum