Annað

Móttøka fyri NM-landsliðnum og norðurlandameistaranum í kvøld

Knút Lútzen gjørdist í vikuskiftinum fyrsti føroyski norðurlandameistara í ríðing, tá NM var á skránni í Álandi, har føroysku reiðfólkini eisini samanlagt fingu søguliga góð úrslit. Móttøkan verður í Tølthøllini í Havnardali klokkan 18.30.

Knút Lútzen og hestur hansara Kári frá Ásbrú eftir NM-sigurin

2022-08-17 11:19

Agnar Prestá

- Í kvøld verður skipað fyri móttøku fyri okkara reiðfólkum, nú tey koma heim av Álandi við bestu úrslitum nakrantíð

Soleiðis skrivar Ríðisamband Føroya á heimasíðu sínari

Føroysku reiðfólkini fingu søguliga góð úrslit á Álandi í síðstu viku - krúnan á verkinum var NM-gullið, ið Knút Lútzen og hestur hansara Kári frá Ásbrú vunnu. Fyrst sigraðu teir í B-bólkinum og síðani í A-bólkinum.

Les eisini: Dreymurin gjørdist veruleiki

Í samband við at føroysku reiðfólkini og ross teirra koma heim við Norrønu í dag, verður skipað fyri almennari móttøku fyri teimum - at heiðra tey og rossini fyri teirra framúr avrik.

Móttøkan verður í í Tølthøllini hjá Føroyskt Íslandsrossafelag í Havnardali í kvøld, mikukvøldið 17. august, klokkan 18:30.

Vinarliga broyt tínar kennifíla - og privatlívsstillingar fyri at síggja hetta innihald