Myndir: Byrjar at merkjast í beinunum

- Beinini byrja at merkjast. Men tað eiga tey nokk.

Tað sigur Jákup Petur Eliassen sum hevur sett sær fyri at súkkla til nærum allar bygdir í Føroyum upp á 48 tímar. Síðani í morgun hevur verið súkklað í Suðuroy, Sandoynni, og nú verður súkklað í vestaru síðu av Streymoy.

- Nú mangla vit Norðradal, Skæling, Kvívík, Vestmanna og so er bara Vágoy eftir, so er liðugt fyri í dag, sigur hann.

Hesin teinurin í dag er umleið 240 kilometrar langur, og eftir ætlan verður komið til Gásadals um midnáttarleitið.

Allan túrin í dag eru fleiri, sum hava súkklað við og í løtuni eru tríggir afturat Jákup Peturi Eliassen og Ken Bærendsen.

Aftur í morgin verður súkklað, og byrjað verður í Fugloynni og endað verður mikumorgunin á Vaglinum.

Portalurin tók nakrar myndir tá teir súkklaðu í Havnardali og eisini tá teir súkklaðu um brúnna á Argjum.