Myndir: Gera klárt til stóra MMA-brakið

Stóra tiltakið MMA verður í Høllini á Hálsi í annaðkvøld. Fyriskipararnir lata væl at atgongumerkjasøluni, og væntandi vera nógv fólk.

MMA stendur fyri Mixed Martial Arts og kempað verður í einum búri. Tað búrið er við at koma upp nú, og tað byrjar at líkjast í høllini.

Seinnapartin vóru teir professionellu kempararnir vigaðir. Amatør kempararnir verða vigaðir í morgin.

Fyrsti dysturin byrjar klokkan 17:30, og síðsti dysturin sum verður millum føroyska Fróða Vitalis Hansen og Mourad Serrar byrjar klokkan 21. Hetta verður seinasti dysturin hjá 44 ára gamla Fróða Vitalis Hansen sum yrkisboksari.