Nicholas Satchwell settur sum samskipari hjá HSF

Vísandi til vaksandi uppgávurnar hjá Hondbóltssambandinum er avgerð tikin um at seta ein samskipara hálva tíð í eitt tíðaravmarkað starv í seks mánaðir. Avgjørt er at seta Nicholas Satchwell í hetta starvið.

Nicholas Satchwell er kendur í hondbóltsumhvørvinum í Føroyum, har hann seinastu árini hevur verið málverji hjá A-landsliðnum við monnum. Hann hevur frammanundan bachelor útbúgving innan ítróttarleiðslu.

Nicholas kemur m.a. at taka sær av at samskipa landsliðs- og skeiðsvirksemi hjá HSF.