Noah og Rógvi kunnu nærkast uppflyting í kvøld

Vøllurin hjá Start var ikki í nóg góðum standi leygardagin, tá liðið skuldi taka ímóti Bryne í fyrsta umfari í play-off umfarinum um uppflyting til bestu norsku deildini.

Kuldin órógvaði, og sambært reglunum tapti Start dystin. Hetta er ein støða, ið KÍ roynir at sleppa undan nú.

Bryne vann harvið 3-0 á skrivaraborðinum og er víðari til næsta dystin. Hann er í kvøld í Kristiansund. Har er heimaliðið favorittur.

Um tað skuldi eydnast liðnum hjá Noah Mneney og Rógva Baldvinssyni at vinna, so er framvegis langur vegur upp í Eliteseriuna. Vinnarin í Kristiansund skal hitta Kongsvinger í næsta play-off umfarinum, og síðani er uppgerð á skránni móti triðniðasta liðnum í fremstu deildini.

Noah og Rógvi hava ikki spælt so nógv í seinastuni. Bæði U21-landsliðsliðformaðurin og royndi A-landsliðsspælarin hava byrjað á bonkinum seinastu fýra dystirnar hjá Bryne. Teir kunnu tó fáa ein leiklit í avgerandi dystinum, sum byrjar klokkan 18 í kvøld.