Norðingur vann finaluna, men Klaksvíkingur vann FM

Norðingur úr Norðdepli og Hvannasundi vann ólavsøkuna, men Klaksvíkingur, sum nærum hevði tryggjað sær FM undan róðrinum, vann FM-gullið.

Tað skuldi villa heilt illa til, um ikki Klaksvíkingur skuldi fara avstað við FM-heitinum hjá 10-mannaførunum á ólavsøku. Klaksvíkingur hevði tvey gul kort, og kom eitt triðja, er tað reytt.

(Mynd: Sverri Egholm)

Hetta hendi tíbetur ikki fyri klaksvíkingar, men hinvegin vóru tað teir umborð á Norðingi, sum vóru stinnastir á degnum, og vunnu við næstan einum sekundi, og frøin var sum vera man stór um ólavsøkugullið.

FM-gullið eiga klaksvíkingar, og hetta er fjórða árið á rað.

Hjá 6-mannaførum kvinnum er Jarnbardur einaráðandi, og soleiðis var aftur í dag. Næstan sjey sekund fremst, vunnu sigursvandu kvinnurnar gull á ólavsøku og eisini FM við fullum stigatali.

Øll úrslit frá FM-róðrinum í dag síggjast her