Norra megnaði javnleik ímóti Spania

Í bólki F, ið er bólkurin hjá Føroyum, vóru tveir aðrir dystir umframt tann á Tórsvølli í gjár.

Á Ullevål leikvøllinum í Oslo hevði Norra vitjan av Spania. Liðskiparin hjá Spania Sergio Ramos kom í dystinum móti Føroyum fyri einum mánað síðani upp undir liðina á Iker Casillas fyri flest landsdystir hjá Spania, og í gjárkvøldið tók hann so metið, tá hann spældi sín Landsdyst nummar 168.

Spaniólar løgdu seg á odda tíðliga í seinna hálvleiki, við málið frá Sául. Leingi sá tað út til, at tað fór at endað við einum sigri til gestirnar, men í yvirtíðini fekk Norra brotsspark, ið Joshua King skoraði uppá og tryggjaði harvið Norra eitt stig.

Á Malta vann Svøríki ein tryggan 0-4 sigur, ið ger at teir halda fast við øðrum plássi í bólkinum. Sebastian Larsson skoraði tvær ferðir uppá straffi fyri Svøriki, Marcus Danielson skoraði eitt mál, og tað ein málið var eitt sjálvmál ið Andrei Agius gjørdi.

Í bólki D vann Danmark ein sera týðandi sigur, tá teir vunnu 1-0 á Sveis í Parkini. Yussuf Poulsen skoraði einsamalla málið, ið kom bert seks minuttir fyri tíð. Úrsliti ber við sær at Danmark, ið liggur á øðrum plássi, nú liggur fýra stig frammanfyri Sveis, tó hevur Sveis leikt ein dyst færri.

Úrslitini og støðan eftir dystirnar í gjár

Bólkur D

Georgia – Írland 0-0

Danmark – Sveis 1-0

Støðan:

Írland 12 stig (6 dystir)

Danmark 12 stig (6 dystir)

Sveis 8 stig (5 dystir)

Georgia 5 stig (6 dystir)

Gibraltar 0 stig (5 dystir)

Bólkur F

Føroyar – Rumenia 0-3

Malta – Svørríki 0-4

Norra – Spania 1-1

Støðan: (øll liðini hava  leikt 7 dystir)

Spania 19 stig

Svørríki 14 stig

Rumenia 13 stig

Norra 10 stig

Malta 3 stig

Føroyar 0 stig

Bólkur J

Bosnia og Hersegovina – Finnland 4-1

Italia – Grikkaland 2-0

Liktinstein – Armenia 1-1

Støðan: (øll liðini hava leikt 7 dystir)

Italia 21 stig

Finnland 12 stig

Armenia 10 stig

Bosnia og Hersegovina 10 stig

Grikkaland 5 stig

Liktinstein 2 stig