NSÍ og Sámal Erik Hentze leingja ikki sáttmálan

NSÍ hevur longu tryggjað sær uppflyting í bestu deildina hjá monnum næsta ár, hóast fýra dystir eru eftir. Men tað verður ikki við Sámali Erik Hentze á síðulinjuni, nú runavíkingar aftur verða í Betri deildini.

Felagið boðar á heimasíðuni frá, at sáttmálain gongur út eftir hetta kappingarárið, og partarnir eru samdir um, ikki at leingja sáttmálan til næsta kappingarár.

Eisini er avgerð tikin um, at Sámal Erik Hentze heldur ikki stendur á odda fyri NSÍ seinastu fýra dystirnar í ár.

Christian Høgni Jacobsen hevur ábyrgdina av besta mansliðnum restina av kappingarárinum.