Nú sleppa 100 áskoðarar til innandura ítróttakappingar

- Mælt verður til, at allar innandura ítróttakappingar verða hildnar uttan áskoðarar. Hetta er bæði galdandi fyri vaksnamanna- og barnakappingar. Venjarar og neyðug hjálparfólk kunnu verða til staðar til kappingarnar.

Hetta hevur verið tilmæli í Føroyum seinasta mánaðin ella so. Harvið hava millum annað hondbólts- og flogbóltsdystir verið avgreiddir uttan nakrar áskoðarar.

Soleiðis verður ikki næstu tíðina, har tað millum annað verða nógvir dystir í Faxe Kondi kappingini. 

Á heimasíðuni corona.fo er eitt av almennu tilmælunum nú broytt, og tað ljóðar soleiðis: 

- Mælt verður til, at í mesta 100 áskoðarar - undir skipaðum umstøðum - koma saman til innandura ítróttakappingar.