Nýtt kapittul fyri ungdómsfótbóltin og kvinnufótbóltin í FC Suðuroy

- Vt í FC Suðuroy eru fegin um at kunngera, at vit komandi árini seta eina týðandi verkætlan í gongd fyri at menna ungdómsfótbóltin í felagnum; bæði á dreingja- og gentusíðuni.

Soleiðis skrivar FC Suðuroy á heimasíðu sínari í sambandi við, at felagið hevur sett
tveir høvuðsungdómsvenjarar.

Teir skulu hvør sín veg skulu tryggja eitt sterkt grundarlag fyri ungdómsfótbóltin í FC Suðuroy: Finn Johannesen, sum er settur sum høvuðsungdómsvenjari á dreingjasíðuni, og Jakob Skaaning er settur sum høvuðsungdómsvenjari á gentusíðuni.

Hetta seinna eisini tryggja størri fokus á gentu- og kvinnufótbóltin í FC Suðuroy komandi árini. Jakob Skaaning er eisini venjari hjá 1. deild kvinnum. Talan er um 2-ára sáttmála.

Seinastu trý árini hevur FC Suðuroy havt lið í Betrideildini hjá kvinnum saman við TB og Royn. Nú verður talan um lið á egnum beinum í næstbestu kvinnudeildini. 

- Málið er greitt: Vit vilja byggja eitt sterkt kvinnulið, sum kann tryggja okkum pláss í Betri deildini aftur – seinast í 2028.

Við sterkum ungdómsarbeiði eru vit sannførd um, at hetta verður ein nýggj byrjan fyri ungdómsfótbóltin og kvinnufótbóltin í FC Suðuroy, skrivar felagið at enda.