Annað

OL: Sverri Sandberg Nielsen skal rógva stutt eftir midnátt

Talan er um innleðandi róður, har tríggir av teimum fimm rógvarunum koma víðari til fjórðingsfinaluna. Róðurin í Tokyo byrjar 00.50.

Sverri og hini átta, ið skulu rógva fyri Danmark til olympisku leikirnar, komu til japanska høvuðsstaðin sunnudagin eftir venjingarlegu í fýra vikur í Ogata (Mynd: Dorthe Jensen)

Sverri og hini átta, ið skulu rógva fyri Danmark til olympisku leikirnar, komu til japanska høvuðsstaðin sunnudagin eftir venjingarlegu í fýra vikur í Ogata (Mynd: Dorthe Jensen)

2021-07-22 13:30 Author image
Agnar Prestá
placeholder

Áðrenn sjálva setanina í Tokyo skal Sverri Sandberg Nielsen fyri fyrstu ferð royna seg í olympiskum høpi.

Fríggjadagin 23.07 klokkan 00.50, tað vil siga stutt eftir midnátt føroyska tíð, skal Sverri sum tann fyrst danki rógvarin hesuferð kappast. Hetta er klokkan 08.50 lokala tíð - setanin verður fýra tímar seinni.

Innleiðandi í singlescullara hjá monnum er á skránni, og 27-ára gamli miðvingurin skal kappast við rógvarar úr Libanon, Zimbabwe, Kasakstan og Italia.Teir tríggir fremstu sleppa víðari til fjórðingsfinaluna. Gennaro di Mauro úr Italia verður sambært "landsholdet i roning" mettur at verða klárt tann størsti kappingarneytin hjá Sverra til fyrsta plássið.

Til ber at fylgja við á Eurosport 1 í nátt

Um ein skal fylgja rógvnini í Japan komandi tíðina, so verður tað hvørjaferð um náttina. Rógvihópurin hjá Danmark telur níggju rógvarar. Harav er føroyingurin tann einasti, ið rør einsamallur - í singlescullara. Tey níggju komu til Tokyo sunnudagin eftir at hava verið í venjingarlegu japansku bygdini Ogata í fýra vikur. Nú hava Sverri Nielsen og hini roynt teinin, og í dag hava tey verið partur av stórum miðladegi, har tíðindafundir hava verið. 

placeholder
placeholder